اسلام آباد (اے پی پی) پاکستان باکسنگ فیڈریشن کے زیراہتمام سیف گیمز، ایشین گیمز اور ورلڈ باکسنگ چیمپئن شپ کی تیاری کیلئے قومی کھلاڑیوں کا تربیتی کیمپ آج منگل سے کراچی میں شروع ہو گا۔ پاکستان باکسنگ فیڈریشن کے سیکرٹری محمد اکرم خان کے مطابق تربیتی کیمپ میں 25 کھلاڑیوں کو مدعو کیا گیا ہے اور انہیں 5 کوچز ارشد حسین، لیاقت مغل، رمضان علی، ساجد راجہ اور عبدالمجید بروہی جدید اور اعلیٰ معیار کی تربیت دینگے۔