لاہور (سٹاف رپورٹر) ترک کوآپریشن اینڈ کوآرڈینیشن ایجنسی (ٹیکا) نے گورنمنٹ انسٹی ٹیوٹ آف ایمرجنگ ٹیکنالوجیز ٹائون شپ میں گارمنٹ انسٹی ٹیوٹ کے قیام کیلئے 11کروڑ روپے کی جدیدمشینر ی و آلات فراہم کر دئے ہیں۔ٹیکا کے ماہرین ٹیوٹا اساتذہ کے علاوہ براہ راست زیر تربیت نوجوانوں کو بھی 2ماہ کی ٹریننگ دینگے۔ ان خیالا ت کا اظہار چیئر پرسن ٹیوٹا عرفان قیصر شیخ نے 8رکنی ترک وفد سے گفتگوکرتے ہوئے کیا۔