بلوچستان کے 800 طلبا کا کوئٹہ گریژن میں ملٹری یونٹس، فارمیشنز کا دورہ

اسلام آباد (نوائے وقت رپورٹ) آئی ایس پی آر کے مطابق بلوچستان کے 800 طلبا نے کوئٹہ گریژن میں پاک فوج کے یونٹس اور فارمیشنز کا دورہ کیا۔ مختلف تعلیمی اداروں کے طلبا، فیکلٹی ممبرز نے پورا دن ملٹری یونٹس اور فارمیشنز میں گزارا۔ دورے کا  مقصد طلبا کو پاک فوج کے معمول کے کام سے روشناس کرانا تھا۔ طلبا اور فیکلٹی ممبرز کا دورہ 14 اگست کی تقریبات سے متعلق تھا۔ طلبا کو پاک فوج کے تنظیمی و دفاعی صلاحیت سے روشناس کرنا ہی دورے کا مقصد تھا۔ طلبا نے کمپا¶نڈ کلیئرنگ مظاہرے میں گہری دلچسپی لی۔ طلبا نے آرٹلری گن فائر اور ایوی ایشن فلائی پاسٹ کو بھی دلچسپی سے دیکھا، طلبا نے مختلف سٹالز کا دورہ کیا اور رکھے گئے آلات دیکھے۔