المحمدیہ اسٹوڈنٹس کراچی کے تحت مزار قائد سے کراچی پریس کلب تک احیائے نظریہ پاکستان موٹر سائیکل ریلی

کراچی (نیوزرپورٹر) المحمدیہ اسٹوڈنٹس کراچی کے تحت مزار قائد سے کراچی پریس کلب تک احیائے نظریہ پاکستان موٹر سائیکل ریلی نکالی گئی، جس میں شہر کے مختلف تعلیمی اداروں سے طلبہ نے شرکت کی۔ المحمدیہ اسٹوڈنٹس کراچی کے مسئول محمد احسان کی قیادت میں ریلی کے شرکاء شہر کی مختلف شاہراہوں سے گزرتے ہوئے پریس کلب پہنچے۔ ریلی میں شریک نوجوان سبز ہلالی پرچم لہرا رہے تھے اور پورے راستے پاکستان کا مطلب کیا لا الہ الا اللہ کے پرجوش نعرے لگاتے رہے۔ ریلی کے شرکاء سے خطاب کرتے ہوئے محمد احسان نے کہا کہ المحمدیہ اسٹوڈنٹس کی موٹر سائیکل ریلی کا مقصد نظریہ پاکستان کے حوالے سے رائے عامہ کی ہمواری ہے۔