کراچی (سٹاف رپورٹر) قومی ائر لائن پی آئی اے کی پرواز 70 حاجیوں کو چھوڑ کر جدہ روانہ ہوگئی۔ قومی فضائی کمپنی پاکستان انٹرنیشنل ایئر لائنز کی نااہلی کا ایک اور واقعہ سامنے آیا ہے اور اس بار پی آئی اے کا جہاز ہی چھوٹا پڑ گیا ہے۔ کراچی کے جناح انٹرنیشنل ایئر پورٹ پر پی آئی اے کی خصوصی حج پرواز پی کے 2077 عازمین کو چھوڑ کر سعودی عرب روانہ ہو گئی‘ پیچھے رہ جانے والے تقریباً 70 مسافروں نے جناح حج ٹرمینل پر احتجاج کیا ہے جن میں خواتین اور ضعیف العمر افراد بھی شامل ہیں۔