گرلز ہائر سیکنڈری سکول چاہ بوہڑ والا میں جشن آزادی کی تیاریاں عروج پر،طالبات اور اساتذہ نے در و دیوار کو جھنڈیوں سے سجا دیا

ملتان (لیڈی رپورٹر) گورنمنٹ شہداء اے پی ایس میموریل گرلز ہائر سیکنڈری چاہ بوہڑ والا میں پاکستان کے جشن آزادی کی تیاریاں عروج پر ہیں طالبات کے ہمراہ اساتذہ بھی جھنڈیاں لگانے میں دن بھر مصروف رہیں طالبات نے سبز ہلالی پرچم کو سکول کے در و دیوار پر سجانے کے لئے ہزاروں کی تعداد میں جھنڈیاں اپنی پاکٹ منی سے خریدیں اس موقع پر اساتذہ میڈم رخسانہ‘ میڈم شاہین امتیاز‘ روبینہ شاہین‘ فروانے کہا کہ درس گاہیں کسی بھی قوم کی شناخت ہوا کرتی ہیں ہم چھٹیوں کے باوجود سکول حاضر ہوتے رہے اور طالبات کو مسلسل ایک ماہ سے جشن آزادی ‘ تحریک پاکستان سے قیام پاکستان کی دلدوز داستانیں سنا کر ان کے لئے وطن سے محبت کے جذبات پروان چڑھانے میں اپنا کردار ادا کیا۔