بینک آف پنجاب کی جانب  سے ارشد ندیم کو میڈل پہنایا گیا 

لاہور (سپورٹس رپورٹر)اولپمین ارشد ندیم کی ٹوکیو سے واپسی پرعلامہ اقبال انٹرنیشنل ایئر پورٹ، لاہور پر دی بینک آ ف پنجاب کی جانب سے خصوصی استقبال کا اہتمام کیا گیا۔ ارشد ندیم کی کاوشوں کو سراہتے ہو ئے دی بینک آف پنجاب کی جانب سے ارشد ندیم کو خصوصی میڈل پہنایا گیااور گلدستہ بھی پیش کیا گیا۔پنجاب کے صوبا ئی وزیر برائے کھیل رائے تیمور خان بھی موجود تھے۔ارشد ندیم نے ٹوکیو اولمپکس میں شاندار کارکردگی دکھائی اور مجموعی طور پر پانچویں پوزیشن حاصل کی۔دی بینک آف پنجاب  ہمیشہ سے کھلاڑیوں اور صحت مند کھیلوں کی سرگرمیوں کو سپورٹ میں پیش پیش رہا ہے اور آئندہ بھی کرتا رہے گا۔