ٹبہ سلطان پور(نمائندہ نوائے وقت) فاریسٹ گار ڈ کی ملی بھگت‘ ملتان وہاڑی اور میلسی روڈ پردرختوں کی کٹائی تفصیل کے مطا بق ٹبہ سلطان پور میں ملتان وہاڑی رو ڈ اور میلسی روڈ پرمحکمہ جنگلات کے فاریسٹ گارڈ نے سرکاری لکڑی کو مال غنیمت سمجھتے ہوئے سردی سے فائدہ اُٹھانے کے لئے لوٹ سیل شروع کردی ہے فاریسٹ گار ڈ کی ملی بھگت سے سڑک کنارے کھڑے قیمتی درخت آرے مالکان اور ٹال والوں کومارکیٹ میں 500روپے من میں فروخت ہو نے والے درخت2سو روپے میں فروخت کیے جارہے ہیں جس کی وجہ سے ٹال اورآرے مالکان فاریسٹ گارڈ کی موجودگی میں دن دیہاڑے درخت کاٹ کر ٹریکٹر ٹرالیوں میں بھر کے لیجارہے ہیں علاقہ کی مختلف تنظیموں و شہریوںنے شدید احتجاج کرتے ہوئے سرکار ی لکڑی فروخت کر نے والے فاریسٹ گارڈ کے خلاف سخت کاروائی کر نے کا مطا لبہ کیا ہے ۔