حافظ آباد(نمائندہ نوائے وقت)حافظ آباد شہر کے مدھریانوالہ روڈ پر گلی رانا محمد اشرف والی کے قریب سڑک میں گہراگڑھا آئے روزحادثات کا موجب بننے لگا۔جس کی وجہ سے علاقہ مکین ضلعی انتظامیہ کی غفلت اور لاپرواہی کے خلاف سراپا احتجاج بن گئے۔ علاقہ مکینوںنے احتجاج کرتے ہوئے کہ یہ گڑھا عرصہ دراز سے سڑک پر موجود ہے جس کی وجہ سے نہ صرف راہگیر اس میں گر کر   زخمی ہورہے ہیں بلکہ کسی بھی وقت یہاں پر کوئی بڑا ناخوشگوار واقعہ یاحادثہ رونماہوسکتاہے۔ انہوںنے ڈپٹی کمشنر سے مطالبہ کیا کہ گڑھے کو بند کرایا جائے ۔