لاہور (سپورٹس رپورٹر)لاہور قلندرز ہائی پرفارمنس سنٹر میں نمیبیا سے آئی کرکٹ ٹیم کے کھلاڑی ورلڈکپ کی تیاریوں میں مصروف ہیں۔غیر ملکی کھلاڑیوں کے مطابق انہیں پاکستان آکر بہت اچھا لگا، لاہور قلندرز کے شکر گزار ہیں جس نے یہ موقع فراہم کیا، یہاں کھیلوں کی بہت اچھی سہولتیں موجود ہیں۔ لاہور قلندرز کے سی ای او عاطف رانا کا کہنا ہے کہ انہیں فخر ہے کہ اب انٹرنیشنل کھلاڑی بھی لاہور قلندرز ہائی پرفارمنس سنٹر میں آکر ٹریننگ کررہے ہیں۔
 خضدار میں جشن آزادی کبڈی میچ آج ہونگے 
لاہور(سپورٹس رپورٹر) پاکستان کی 75ویں یوم آزادی تقریبات کے موقع پر ضلعی انتظامیہ کے زیر اہتمام خضدار میں 13 اگست کو کبڈی میچز کا انعقاد کیا جائےگا۔یہ میچزتحصیل وڈھ نال اور کرخ کی ٹیموں کے مابین 13 اگست کی شام 4 بجے جناح سٹیڈیم خضدار میں کھیلے جائیں گے۔ 
روک بال کے نمائشی مقابلوں کی تیاریاں مکمل 
لاہور(سپورٹس رپورٹر)پاکستان روک بال فیڈریشن کے زیراہتمام ملک بھر میں جشن آزادی کے موقع پر روک بال کے نمائشی مقابلوں کی تیاریاں مکمل کرلی گئیں ہیں۔

 یہ مقابلے کل کھیلے جائیں گے۔