پاکستان ‘بھارت میچ سے مداحوں کو زیادہ امیدیں ہوتی ہیں : رویندرا جدیجہ 

لاہور(سپورٹس رپورٹر)بھارتی کرکٹ ٹیم کے آل راو¿نڈر رویندرا جدیجہ نے کہاہے کہ بھارت پاکستان کے میچ میں فینز کی امیدیں زیادہ ہوتی ہیں کہ میچ جیتنا ہے۔ ہمارے لئے کوئی بھی میچ ا±تنا ہی اہم ہوتاہے جتنا پاکستان کےخلاف اہم ہوتا ہے، بھارتی ٹیم کا پاکستان کےخلاف میچ پر فوکس زیادہ ہوتاہے۔ کوشش ہوتی ہے اچھا کھیلیں اور بہترین پرفامنس دیں، کرکٹ ایک کھیل ہے، ہار جیت ہوتی رہتی ہے۔ پاکستان ٹیم بھی اپنے ملک کی نمائندگی کر رہے ہوتے ہیں اور وہ بھی جیتنے کیلئے میدان میں اترتے ہیں، کوئی گارنٹی نہیں ہوتی کہ آپ ہی جیتیں ، آپ بس اپنی سو فیصد پرفارمنس دینے کی کوشش کرتے ہیں۔ میچ کے آخر میں اگر رزلٹ آپ کے حق میں نہ ہو تو آ پ اس پر کچھ نہیں کر سکتے، سب سے اہم چیز یہی ہے کہ اپنا سو فیصد دیں اور جیتنے کیلئے کھیلیں۔