فیروز والہ (نامہ نگار) جی ٹی روڈ کی آبادی بلال پارک میں موٹر سائیکل سواروں نے دن دہاڑے اندھا دھندفائرنگ کرکے کیبل آپریٹر محمد ندیم عرف بلاکو ہلاک کردیا، ملزمان فرار ہوگئے،پولیس نے مقتول کی نعش قبضہ میں لے کر پوسٹ مارٹم کیلئے ہسپتال منتقل کردی ۔ بلال پارک میں متین کیبل نیٹ ورک کے پاس محمد ندیم کیبل آپریٹر کام کرتا تھا۔ محمد ندیم بلال پارک میں جا رہا تھا کہ اچانک نامعلوم مسلح افراد موٹر سائیکل پر سوار ہو کر آئے اور اندھا دھند فائرنگ کرکے کیبل آپریٹرمحمدندیم عرف بلا سکنہ کامونکی کو ہلاک کر دیا اور فرار ہو گئے۔ مقتول راٹھور گروپ کا ملازم تھا جن کی دیرینہ دشمنی کھاری بٹ گروپ سے چلی آرہی ہے جس میں متعدد افراد پہلے دشمنی کی بھینٹ چڑھ چکے ہیں۔