اسلام آباد (نمائندہ خصوصی) چیئرمین پی پی پی بلاول بھٹو زرداری نے پیپلزپارٹی کے سابق صدر سردار سلیم کے انتقال پر اظہار افسوس کیا ہے۔ بیان میں انہوں نے کہا کہ قیدوبند کی صعوبتیں اور جلاوطنی جھیلنے والے سردار سلیم کا انتقال پاکستان پیپلز پارٹی کے جیالوں کیلئے گہرا صدمہ ہے۔ ملک کی پہلی سینٹ کے رکن سردار سلیم کے انتقال پر پاکستان کے تمام جمہوریت پسندوں سے تعزیت کا اظہار کرتا ہوں۔ سنیٹر سردار سلیم کی دورآمریت کی قربانیوں کو ہم کبھی فراموش نہیں کر سکتے۔ بلاول بھٹو زرداری کی سردار سلیم کے انتقال پر بلندی درجات اور لواحقین کے صبر جمیل کی دعا کی۔ دریں اثنا پارٹی کے سیکرٹری جنرل سید نیئر حسین بخاری نے بانی رکن قائد عوام ذوالفقار علی بھٹو شہید کے دست راست پہلی سینٹ آف پاکستان کے سنیٹر سردارس لیم کے انتقال پر پیپلز پارٹی کارکنوں‘ ہمدردوں اور جمہوریت پرستوں سے گہرے دکھ اور افسوس کا اظہار کیا ہے۔
بلاول