سرسبزکا پاکستان کے 76ویں یوم آزادی پر خصوصی ویڈیومیں امیدبھرا پیغام

لاہور(کامرس رپورٹر)پاکستان کے 76ویں یوم آزادی کی تقریبات کے حوالے سے، سرسبز فرٹیلائزر نے ایک خصوصی ویڈیو جاری کی ہے۔ویڈیو کی تحریر ممتاز ڈرامہ نگار انور مقصودنے کی ہے، جس میں انہوں نے ملک کی موجودہ پریشانیوں کو بیان کرتے ہوئے پوری قوم کو متحد اور خوشحال مستقبل کیلئے پرامید رہنے کا پیغام دیا ہے۔ ویڈیو میں ایک پاکستانی کسان کے غیر متزلزل جذبے کی بھی مثال دی گئی ہے جو کھیتوں میں انتھک محنت کرتا ہے اور امید اور عزم کی طاقت سے تمام مشکلات کو شکست دیتا ہے۔ یہ کسان ہی ہیں جو ترقی کیلئے مسلسل محنت کرتے رہتے ہیں۔ مشکلات سے بے خوف، وہ کھیتوں میں انتھک محنت کرتے ہوئے ملک کیلئے امید اور رزق دونوں پیدا کرتے ہیں۔ ویڈیو میں کسانوں کی شدیدمشقت کی جھلک ملتی ہے کہ وہ کس طرح آزمائشوں کا سامنا کرتے ہوئے ترقی کے بیج بوتے ہیں۔