اوکاڑہ، ٹرک کی موٹرسائیکل کو ٹکر سے باپ بیٹی جاں بحق، بیوی زخمی

اوکاڑہ (نامہ نگار) اوکاڑہ تیز رفتار ٹرک کی موٹر سائیکل  کو ٹکر سے  باپ بیٹی جاں بحق بیوی شدید زخمی ہو گئی۔ ریسکیو ذرائع کے مطابق چک نمبر 50 ٹو ایل کا رہائشی 25 سالہ عبدالغفار اپنی 23 سالہ بیوی نورین اور 8 سالہ بیٹی آمنہ کے ہمراہ موٹر سائیکل پر سوار ہو کر دیپالپور روڈ اوکاڑہ پر جا رہا تھا۔ ڈسٹرکٹ ہسپتال ساؤتھ سٹی کے قریب  تیز رفتار ٹرک نے بے قابو ہو کر موٹر سائیکل سوار فیملی کو ٹکر مار دی جس کے نتیجے میں باپ بیٹی موقع پر ہی جاں بحق ہوگئے جبکہ عبدالغفار کی بیوی نورین شدید زخمی ہو گئی۔ ٹرک ڈرائیور موقع سے فرار ہو گی۔ ریسکیو 1122 اور مقامی پولیس جائے حادثہ پر پہنچ گئی۔ باپ بیٹی کے جاں بحق ہونے پر ان کے گھر میں صف ماتم بچھ گئی۔ پورا گائوں سوگوار ہو گیا۔