وزارت تعلیم نے سرکاری تعلیمی اداروں کا تدریسی و امتحانی شیڈول جاری کر دیا ہے۔
تفصیلات کے مطابق پنجاب بھر میں آئندہ سال نیا تعلیمی سال یکم اپریل 2024 سے شروع ہوگا۔تمام سرکاری سکول موسم گرما کی چھٹیوں کے بعد 21 اگست سے کھلیں گے ۔تمام کلاسوں میں فرسٹ ٹرم پہلی کے امتحانات آئندہ ستمبر کے تیسرے اور چوتھے ہفتہ میں شروع اور اختتام ہوں گے۔
دوسری مڈٹرم امتحانات دسمبر کے تیسرے ہفتہ میں شروع ہوں گے۔کلاس اول سے آٹھویں تک سالانہ امتحانات 10 مارچ 2024 ء سے شروع ہوں گے جو 20 مارچ تک مکمل ہوں گے ۔
31 مارچ کو سالانہ امتحانات کے نتائج جاری کئے جائیں گے اور یکم اپریل سے نیا تعلیمی سال شروع ہو جائے گا۔تعلیمی سیشن کیلئے داخلے مارچ میں شروع ہوں گے جو 31 مئی تک جاری رہیں گے۔داخلوں کا دوسرا فیز 15 اگست سے 31 اکتوبر 2024 تک ہو گا . تمام سرکاری سکولوں میں مفت کتب کی فراہمی ہو گی۔