لاہور(نیوز رپورٹر) آزادی فلوٹ گزشتہ شب گلشن اقبال پارک جی ٹی روڈ گوجرانوالہ پہنچ گیا جہاں ضلعی انتظامیہ کے زیر اہتمام آزادی فلوٹ کی استقبالیہ تقریب منعقد کی گئی۔ڈھول کی تھاپ پر آتش بازی کے شاندار مظاہرے سے آزادی فلوٹ کا استقبال کیا گیا۔منشا گروپ حافظ آباد کے دستے نے ڈھول کی تھاپ پر خوبصورت رقص پیش کیا۔آزادی فلوٹ کو دیکھنے کیلئے شہریوں کی بڑی تعداد موجود تھی۔جشن آزادی کے مناسبت سے چناب پل سے سادھوکی جی ٹی روڈ کو قومی پرچموں سے سجایا اور خصوصی چراغاں کیا گیا۔