لاہور ( خصوصی نامہ نگار ) پنجاب اسمبلی کی مزید5 قائمہ کمیٹیوں کے چیئرمین شپ کا انتخاب مکمل،ان پانچ قائمہ کمیٹیوں میں سی اینڈ ڈبلیو،ریونیو،سپیشلائز ہیلتھ اینڈ میڈیکل ایجوکیشن،ہائر ایجوکیشن،اور ایگریکلچر شام ہیں۔ گزشتہ روز پنجاب اسمبلی کے کمیٹی روم میں مذکورہ قائمہ کمیٹیز کے اجلاس ہوئے ،اجلاس کا صرف ایک ہی ایجنڈاچیئر مین شپ کا انتخاب تھا، چیئر مینوں کا انتخاب اتفاق رائے سے ہی کیا گیا، رپورٹ کے مطابق ممبر صوبائی اسمبلی عارف محمود گل قائمہ کمیٹی برائے C&W کے چیئرمین منتخب ہوئے نور الامین وٹو قائمہ کمیٹی برائے ریوینیو، عدنان افضل چھٹہ قائمہ کمیٹی برائے سپیشلائزڈ ہیلتھ اینڈ میڈیکل ایجوکیشن ،ملک لال محمد قائمہ کمیٹی برائے ہائیر ایجوکیشن اور ذوالفقار علی شاہ قائمہ کمیٹی برائے ایگریکلچر کے چیئرمین منتخب متفقہ طور پر منتخب ہوئے ،اسمبلی سیکرٹریٹ نے باقاعدہ نوٹیفکیشن جاری کر دیا۔سیکرٹری جنرل پنجاب اسمبلی چودھری عامر حبیب نے قائمہ کمیٹیوں کے چیئرمینوں کو نوٹیفکیشن دیئے۔