لاہور(کامرس رپورٹر) سیکرٹری رجسٹرار و ڈپٹی رجسٹرار کی ہدایت پر ابدالین کوآپریٹو سوسائٹی لمیٹڈ لاہور میں ڈینگی آگاہی واک کا اہتمام کیا گیا۔محکمہ کوآپریٹو کی جانب سے اسسٹنٹ رجسٹرار شجاع فروکہ اور انسپکٹر حسنین شاہ،سعید سکندر شریک ہوئے، اسکے علاوہ صدر زاہد سلیم گوندل، جنرل سیکرٹری مزمل حنیف، محمد اکرم باجوہ، چوہدری عبدالغفور، شاہد خان، محمد جمیل بٹ، چوہدری مظہر علی، خواجہ طاہر جمیل، بائو محمد مصطفی، شیخ مختار، محمد رفیق بھٹی، سرفراز احمد بھٹی، محمد سعید جنرل سیکرٹری و دیگر ممبرز نے بھی شرکت کی۔اس موقع پر سوسائٹی کے مکینوں کوڈینگی سے بچائو بارے آگاہی دی گئی‘ پمفلٹ بھی تقسیم کیے گئے۔ اسسٹنٹ رجسٹرار شجاع فروکہ نے کہا ڈینگی سے پاک پنجاب ہمارا عزم ہے، ہم انشاء اللہ پورے پنجاب بلکہ پاکستان کو ڈینگی سے بچائیں گے۔ صدر زاہد سلیم گوندل، جنرل سیکرٹری مزمل حنیف نے کہا کہ سیکرٹری رجسٹرار کی ہدایت پر پوری سوسائٹی میں ڈینگی مچھر مار سپرے کرایا گیا ہے، پارکوں کی صفائی ستھرائی کی گئی ہے۔
، اہالیان سوسائٹی کو ہدایت کی ہے کہ وہ اپنے گھروں میں پانی جمع نہ ہونے دیں، گملوں، کیاریوں کا خاص خیال رکھیں، آخر میں ڈینگی آگاہی کے سلسلے میں واک کی گئی۔
