لاہور (نامہ نگار) ڈاکوؤں اور چوروں نے لاکھوں روپے مالیت کی نقدی، طلائی زیورات، موبائل فون اور دیگر سامان لوٹ لیا۔ تفصیلات کے مطابق ڈاکوؤں نے مانگا منڈی کے علاقے میں ریاض کے گھر میں گھس کر اہلخانہ کو یرغمال بنا کر ساڑھے 6 لاکھ روپے مالیت کی نقدی، طلائی زیورات، موبائل فون اور دیگر سامان، بادامی باغ کے علاقے میں صداقت اور اس کی فیملی سے 4 لاکھ 34 ہزار روپے مالیت کی نقدی، زیورات اور موبائل فون، گارڈن ٹاؤن کے علاقے میں زبیر سے 3لاکھ روپے اور موبائل فون، ہڈیارہ کے علاقے میں خلیل سے ڈھائی لاکھ روپے اور موبائل فون، گلشن اقبال کے علاقے میں عنایت سے 2 لاکھ روپے اور موبائل فون، لاری اڈا کے علاقے میں شہادت سے ایک لاکھ 10 ہزار روپے اور موبائل فون، لوئر مال کے علاقے میں فرقان سے ایک لاکھ روپے اور موبائل فون، نواب ٹاؤن کے علاقے میں حسن سے 28 ہزار روپے اور موبائل فون، سول لائن کے کے علاقے میں شکیل سے 12ہزار روپے اور موبائل فون لوٹ لیا۔ چوروں نے ڈیفنس، مصطفی ٹاؤن اور گلبرگ کے علاقوں میں سے 3 کاریں، شاہدرہ ٹاؤن کے علاقے میں سے رکشہ جبکہ راوی روڈ، نیو انارکلی، سمن آباد، گجر پورہ، شاہدرہ، مزنگ، نشتر کالونی اور ساندہ کے علاقوں میں 8موٹرسائیکلیں چوری کر لیں۔