نارنگ منڈی: علامہ اقبال ایکسپریس تاخیر کاشکار‘ مسافروں کو مشکلات 

نارنگ منڈی(نمائندہ نوائے وقت) سیالکوٹ سیکشن پر چلنے والی علامہ اقبال ایکسپریس تاخیر کاشکار ہو نے سے مسافروں کو شدید مشکلات کا سامنا کرنا پڑا۔ نارووال سیکشن پر سیالکوٹ سے کراچی کے درمیان چلنے والی علامہ اقبال ایکسپریس بروقت نہ چلنے پر مسافروں کو شدید پریشانی کا سامنا کرنا پڑا۔ بتایا گیا ہے کہ وزیر آباد ریلوے سٹیشن میں بارش کی وجہ سے ٹریک کمزور ہونے کے باعث پاور پلانٹ اور اے سی کوچ ڈی ریل ہو گئی لاہور سے نئی پاور اور اے سی پلانٹ کی روانگی کے بعد ٹرین کو بحال کردیاگیا جو تقریباً چار گھنٹے کی تاخیر سے اپنی منزل کی طرف روانہ ہوگئی۔