ننکانہ : ثقلین ڈکیت گینگ کا سرغنہ چار ڈاکوؤں سمیت گرفتار‘ مال مسروقہ برآمد

ننکانہ صاحب (نامہ نگار) تھانہ مانگٹانوالہ پولیس کی کارروائی ، ثقلین ڈکیت گینگ کے سرغنہ سمیت چارڈاکو گرفتار، ایک ڈاکو فرار ہو گیا۔ ملزموں سے لاکھوں روپے اور اسلحہ برآمد کر لیا گیا۔ تفصیلات کے مطابق پولیس نے ثقلین ڈکیت گینگ کے چار ڈاکوئوں کو گرفتار کر کے شہریوں سے چھینے گئے ڈیڑھ لاکھ روپے اور اسلحہ برآمد کر لیا گرفتار ملزموں میں گینگ کا سرغنہ ثقلین، قاسم، علی رضا اور ظفر شامل ہیں ۔