افغان سرحد پر فائر نگ کا تبادلہ کشید گی: طور خم گیٹ آمدورفت کیلئے بند

طورخم (نوائے وقت رپورٹ) پاک افغان  سرحد پر دونوں ممالک کی سرحدی فورسز کے درمیان فائرنگ کے باعث صورتحال کشیدہ ہونے کے پیش نظر سرحد پر طورخم گیٹ کو ہر قسم کی آمدورفت کیلئے بند کر دیا گیا۔ نجی نیوز چینل کے مطابق پاک افغان فورسز کے مابین فائرنگ کے تبادلہ کی اطلاعات موصول ہوئی ہیں جہاں دونوں جانب سے ایک دوسرے پر فائرنگ کی گئی۔ افغان فورسز ممنوعہ علاقے میں تعمیراتی کام کر رہی تھیں جس پر پاکستان اور افغان فورسز کے مابین فائرنگ ہوئی۔  فائرنگ پاکستان کی بگ بین پوسٹ کے علاقے قریب ہوئی جس سے صورتحال کشیدہ ہو گئی۔