راولپنڈی(اپنے سٹاف رپورٹر سے)ریس کورس پولیس نے سٹریٹ کرائم کی وارداتوں میں ملوث مبشر گینگ کا سرغنہ ساتھی سمیت گرفتارکرکے چوری شدہ موٹر سائیکل، مسروقہ رقم 41ہزار روپے اور وارداتوں میں استعمال ہونے والا اسلحہ برآمد کر لئے گرفتار ملزمان میں گینگ کا سرغنہ مبشر اور شاہ زیب شامل ہیں، ملزمان سے چوری شدہ موٹر سائیکل، مسروقہ رقم 41ہزار روپے اور وارداتوں میں استعمال ہونے والا اسلحہ برآمدہوا، ایس ایچ او نے بتایا کہ ملزمان سے شناخت پریڈ کے بعد مزید مال مسروقہ کی برآمدگی کا تحرک کیا جائے گا، ایس پی پوٹھوہار ناصر نوازکا کہنا تھا کہ ملزمان کو ٹھوس شواہد کے ساتھ چالان عدالت کرکے قرار واقعی سزادلوائی جائے گی، شہریوں کو ان کے قیمتی اثاثے سے محروم کرنے والے قانون کی گرفت سے نہیں بچ سکتے۔