پیرس اولمپکس 2024ء میں پاکستان کو 40 سال بعد گولڈ میڈل جتوانے والے جیولین کھلاڑی ارشد ندیم کے اعزاز میں پاکستان کے معروف اسلامک اسکالر مولانا طارق جمیل نے عشائیے کا اہتمام کیا۔معروف اسلامک اسکالر مولانا طارق جمیل کے سوشل میڈیا اکاؤنٹ انسٹاگرام پر ارشد ندیم کے ہمراہ خوشگوار موڈ میں تصاویر شیئر کی گئی ہیں۔شیئر کی گئی تصاویر کے کیپشن میں تحریر کیا گیا ہے کہ ’ارشد ندیم بھائی کو آج مولانا صاحب کے گھر پر عشائیے کی دعوت دی گئی.مولانا صاحب نے ارشد ندیم بھائی کو انعام سے بھی نوازا۔‘
واضح رہے کہ مولانا کے انسٹاگرام اکاؤنٹ سے اس سے قبل بھی ارشد ندیم کے لیے گولڈ میڈل جیتنے پر تہنیتی پیغام بھی جاری کیا گیا تھا۔گولڈ میڈلسٹ ارشد ندیم کے لئے ملک کا نام روشن کرنے پر ملک بھر سے انعامات کا اعلان کیا گیا ہے.تاہم قومی ہیرو ارشد ندیم کو مولانا نے کتنی رقم سے نوازا ہے. اس سے متعلق تصدیق نہیں ہوسکی۔