تربیتی کیمپ کا کل سے باقاعدہ آغاز ہو گا، قومی ٹیم 22 دسمبر کو بھارت روانہ ہو گی
لاہور (سپورٹس رپورٹر) دورہ بھارت کے لئے اعلان کردہ قومی سکواڈ کے کھلاڑی آج ہیڈکوچ ڈیو واٹمور کو رپورٹ کرینگے جبکہ باقاعدہ تربیتی کیمپ کا کل سے آغاز ہوگا۔ پاکستان کرکٹ بورڈ نے دورہ بھارت میں ٹی ٹونٹی اور ون ڈے میچز کے لئے 22 کھلاڑیوں کا اعلان کر رکھا ہے۔ قومی ٹیم 22 دسمبر کو بھارت کے دورے پر روانہ ہو گی جہاں 25 اور 27 دسمبر کو دو ٹی ٹونٹی میچز کے علاوہ تین ایک روزہ میچز میں حصہ لے گی۔ ون ڈے میچز 30 دسمبر، 3 اور 6 جنوری کو کھیلے جائیں گے۔