جائزہ نعت خوانی‘ سویرا کی پہلی ‘ انعم کی دوسری اور ماہ نور کی تیسری پوزیشن

مظفرگڑھ (میگزین رپورٹ) نوائے وقت ملتان کے زیر اہتمام حافظ معین خالد ٹرسٹ کے اشتراک سے جشن میلاد النبیؐ کے سلسلے میں 30 روزہ جائزہ نعت خوانی کی 17 ویں تقریب گورنمنٹ گرلز ہائی سکول لٹ کراں والا مظفرگڑھ میں منعقد ہوئی جس میں سکول کی 22 طالبات نے حصہ لیا۔ جج کے فرائض پروفیسر رحمت اﷲ نے سرانجام دیئے نظامت سکول کی طالبہ زارا ریاض نے کی۔ اقراء اور سحرش نے تلاوت قرآن پاک اور ترجمہ پیش کیا۔ نتائج کے مطابق سویرا سید نے پہلی‘ انعم فاطمہ نے دوسری اور ماہ نور نے تیسری پوزیشن حاصل کی ‘ لائبہ کنول نے خصوصی انعام حاصل کیا۔ حصہ لینے والوں میں نمرہ جاوید‘ حفصہ‘ سویرا اشفاق‘ بانو رمضان ماہ نور‘ مریم‘ مصباح‘ سویرا ریاض‘ فوزیہ حنیف‘ سویرا سید امیمہ صفدر‘ عائشہ گل‘ انعم فاطمہ‘ لاریب فاطمہ‘ لائبہ کنول‘ علشہ بشیر‘ رومیسہ ‘ گلناز‘ لبنیٰ‘ علیحہ‘ علیشا ایمان شامل تھیں۔ تقریب کا اختتام درودو سلام پر ہوا۔ آخر میں مہمانان خصوصی شمشیر احمد خان‘ حافظ معین خالد‘ عبدالسمیع خان‘ سعدیہ جمیل‘ حافظ نسیم قریشی اور پروفیسر حافظ ارشد اقبال نے طالبات میں ٹرافیاں اور انعامات تقسیم کئے۔