بحریہ یونیورسٹی کارنیوال کا افتتاح ، طلبا ء وطالبات کی بھرپور شرکت

اسلام آباد(خصوصی نمائندہ )بحریہ یونیورسٹی اسلام آباد کیمپس میں بحریہ یونیورسٹی کارنیوال منایا جا رہا ہے ،بنیادی مقصد طلباء اور ان کی فیملیز کو مختلف سرگرمیوں میں حصہ لیتے ہوئے ان کی حقیقی صلاحیتوں کو اظہار کا موقع فراہم کرنا ہے۔اس تقریب کا مرکزی خیال ’’زندگی کے رنگوں کو منانا ہے۔پروریکٹر؍ڈائریکٹر جنرل کیمپس بحریہ یونیورسٹی، ریئر ایڈمرل(ریٹائرڈ)شاہد سعید نے افتتاح کیا اور مختلف ملکوں کے عالمی سینما پر روشنی ڈالنے کیلئے ’’سینمیشا‘‘ پیش کیا گیا۔مختلف تعلیمی، منطقی اور کھیلوں کی سرگرمیوں کیساتھ ساتھ تفریح اور کھانوں کے سٹالز اس ہفتہ طلباء کا اہم خاصہ تھے۔ یونیورسٹی کے مختلف شعبہ جات سے تعلق رکھنے والے طلبا ء نے بھرپور لطف اُٹھایا۔