کراچی(کامرس رپورٹر) سولہویںUMA سی ای او سمٹ ایشیا لیڈرشپ ایوارڈ 2017 میںشاہین ایئر کے چیف ایگزیکٹو آفیسر احسان صہبائی کو ’’سی ای او آف دی ایئر اچیومنٹ ایوارڈ‘‘ سے نوازا گیا۔ یہ ایوارڈ انہیں شاہین ایئر کو پاکستان کی سب سے بڑی نجی ایئرلائن بنانے کیلئے ان کی انتھک محنت کے اعتراف میں دیا گیا۔ایوارڈکی تقریب کا انعقاد سی ای او کلب پاکستان نے کراچی کے ایک مقامی ہوٹل میں کیا تھا جہاں شاہین ایئر انٹرنیشنل کے چیف مارکیٹنگ آفیسر، زوہیب حسن نے شاہین ایئر کے چیف ایگزیکٹو آفیسر کی جانب سے سندھ کے گورنر عزت مآب محمد زبیر سے ایوارڈوصول کیا ۔بعد ازاں انہیںگورنر ہاؤس میں گالا ڈنر کے لیے بھی مدعو کیا گیا۔اس موقع پر اپنے خیالات کا اظہار کرتے ہوئے شاہین ایئر کے چیف مارکیٹنگ آفیسر، زوہیب حسن نے کہا،’’اس اہم کامیابی پر ہم اپنے چیف ایگزیکٹو آفیسر ، جناب احسان صہبائی ،کو مبارکباد پیش کرتے ہیں۔