لاہور(سپورٹس ڈیسک )بھارتی ٹینس سٹار ثانیہ مرزا کی بہن انعم مرزا کا نکاح سابق بھارتی کرکٹر اظہر الدین کے بیٹے اسد سے ہوا جس میں خاندان کے افراد اور قریبی دوستوں نے شرکت کی۔شادی کی تقریب حیدآباد میں ہوئی جبکہ دلہے اسد نے سنہرے رنگ کی شیروانی زیب تن کررکھی تھی اور دلہن انعم مرزا نے ارغوانی رنگ کا عروسی لباس پہن رکھا تھا۔
شعیب ملک نے بنگلا دیش پریمیئر لیگ میں مصروفیت کے باعث شادی میں شرکت نہیں کی جبکہ ان کی اہلیہ ثانیہ مرزا اور بیٹا تقریب میں شریک تھے۔اسد الدین اور انعم مرزا نے شادی کے بعد اپنے اپنے انسٹاگرام اکاؤنٹ سے شادی کی تصاویر پوسٹ کیں جس پر کئی نامور شخصیات نے مبارکباد دی۔