لاہور آرٹس کونسل الحمرا میں آرٹسٹ سپورٹ فنڈ کے حوالے سے اجلاس

لاہور (کلچرل رپورٹر)لاہور آرٹس کونسل الحمرا میں آرٹسٹ سپورٹ فنڈ کے حوالے سے اعلی سطحی اجلاس کا انعقاد ہوا۔اجلاس کی صدارت ایم پی اے سعدیہ سہیل رانا نے کی۔مستحق فنکاروں کی بہبوداورمالی معاونت سے متعلق امور زیر بحث آئے ۔سعدیہ سہیل رانا نے بتایاکہ معاشرہ کی اصلاح میں فنکاروں کی خدمات کو فراموش نہیں کیا جا سکتا۔سیکرٹر ی اطلاعات و ثقافت راجہ جہانگیر انور نے کہا کہ آرٹسٹ سپورٹ فنڈ کے تحت موصول ہونے والی درخواستوں کی جانچ پڑتال آخری مراحل میں ہے ،جلد اس پروگرام کا آغاز کر دیا جائیگا۔ ایگزیکٹو ڈائریکٹر لاہور آرٹس کونسل الحمرا اطہر علی خان نے کہا کہ الحمرا آرٹسٹ سپورٹ فنڈ کو مستحق فنکاروں تک پہچانے کیلئے اپنا اہم کردار ادا کر رہا ہے۔ ڈائریکٹر جنرل پلاک ثمن رائے نے کہا کہ اس پروگرام سے فن کے فروغ میں مدد ملے گی، ثقافتی سرگرمیاں تیز ہونگی۔
سٹیج ڈرامہ ’’محبت کے مارے ‘‘ آج سے شروع ہوگاة لاہور (کلچرل رپورٹر)اداکارہ سنہری خان کا نیا ڈرامہ ’’محبت کے مارے‘‘ آج سے شالیمار تھیٹر میں شروع ہوگا۔ ڈرامے کی دیگر کاسٹ میں زارا خان، زویا چودھری، صائمہ ٹو، مہک علی، مختار چن، وسیم پنوں، اسد مکھڑا، عقیل حیدر، شجرعباس، کاشف چن اور ساجد پیارا شامل ہیں۔ ڈرامے کے پروڈیوسر ملک طارق اور رائٹروڈائریکٹرڈاکٹراجمل ملک ہیں۔