اسلام آباد(سٹاف رپورٹر) آرمی چیف جنرل قمر جاوید باجوہ نے پاکستان ایروناٹیکل کمپلیکس کامرہ کا دورہ کیا۔ پاک فوج کے شعبہ تعلقات عامہ (آئی ایس پی آر) کی جانب سے جاری بیان کے مطابق آرمی چیف کو جاری منصوبوں پر بریفنگ دی گئی۔ ڈی جی آئی ایس پی آر میجر جنرل آصف غفور کے مطابق آرمی چیف نے اس موقع پر پاک فضائیہ اور پاکستان ایروناٹیکل کمپلیکس کی کامیابیوں کو سراہا۔ آرمی چیف نے ایروناٹیکل کمپلیکس کامرہ کو خودانحصاری اور عالمی معیار حاصل کرنے پر بھی سراہا۔