اوکاڑہ (نامہ نگار) اوکاڑہ پولیس نے نہر لوئر باری دوآب سے نامعلوم خاتون کی نعش برآمد کرلی خاتون کاسرکٹا دونوں بازو کہنی تک کٹے ہوئے بائیں ٹانگ گوڈ کے قریب سے کٹی ہوئی تھی، نعش ناقابل شناخت ہوچکی ہے۔ تفصیلات کے مطابق راہگیروں نے ایک خاتون کی نعش نہر لوئرباری دوآب میں دیکھ کر ریسکیو1122اورپولیس تھانہ صدر اوکاڑہ کواطلاع دی جس پر پولیس اور ریسکیو1122کی ٹیمیں موقع پر پہنچ گئیں۔ ریسکیو1122نے نامعلوم خاتون کی نعش نہر سے برآمد کرکے حوالہ پولیس تھانہ صدر اوکاڑہ کردی، خاتون کاسر دونوں بازو کہنی تک اوربائیں ٹانگ کے گوڈکے قریب سے ٹانگ کٹے ہوئے اعضاء تھے پولیس نے نامعلوم خاتون کی نعش کوہسپتال منتقل کردیا، پولیس نے خاتون کی شناخت کے لئے گردونواح کے چکوک میں اعلانات کروائے پولیس نے نامعلوم خاتون کی موت کی سائنسی بنیادوں پر تفتیش شروع کردی ہے،خاتون کوبڑی بیدردی سے قتل کرکے نعش نہر میں پھینک دی ۔