71ء کی جنگ میں شہید فلائٹ لیفٹیننٹ صمد علی   کے کارناموں پر مبنی دستاویزی فلم جاری

اسلام آباد (خبر نگار خصوصی) پاک فضائیہ کے شعبہ تعلقات عامہ نے1971 ء کی جنگ میں شہادت پانے والے فلائٹ لیفٹیننٹ صمد علی چنگیزی شہید ستارہ جرات کے فضائی جنگی کارناموں پر مبنی مختصر دورانیے کی دستاویزی فلم جاری کر دی۔ ترجمان پاک فضائیہ کے مطابق دستاویزی فلم میں پاک فضائیہ کے اس غیور اور جواں سال ہواباز کے جری فضائی کارناموں اور دشمن کو لگائی گئی کاری ضرب کو اجاگر کیا گیا ہے۔ انہوں نے دشمن کا غرور خاک میں ملاتے ہوئے اپنی جان کا نذرانہ پیش کیا اور شہادت کے بلند ترین رتبے پر فائز ہوئے۔