خانیوال(خبر نگار)ڈسٹرکٹ فٹبال چیمپئن شپ کرائون کلب کے نام تفصیل کے مطابق کچا کھوہ 10R/23میں ڈسٹرکٹ فٹبال چیمپئن شپ2021رنگارنگ ایونٹ میں 32 کلبوں نے حصہ لیا' فائنل میں کرائون فٹبال کلب خانیوال نے انتظامیہ ٹیم کالا باز فٹبال کلب کچاکھو کو 0-1گول سے شکست دے کر ڈسٹرکٹ  چیمپئن کا اعزاز  حاصل کر لیا۔کراؤن فٹبال کلب کے کپتان محمد حماد ٹورنامنٹ کے بہترین کھلاڑی قرار پائے جبکہ خرّم شہزاد کوفائنل میں بہترین کارکردگی پرخصوصی ایوارڈسے نوازا گیا، ریلوے گرائونڈ میں کراؤن فٹبال کلب کے صدر مظہر کلیم بلا اورکلب انتظامیہ نے فائنل میچ جیتنے پر کھلاڑیوں کے اعزاز میں کیک کاٹا ۔ایونٹ  مہمان خصوصی سماجی رہنماامتیاز علی اسد'طاہر نسیم تھے'ان کے علاوہ سید حماد شاہ،حاجی گلشاد احمد اور مرزا فرید بیگ نے خصوصی شرکت کی اور تمام کھلاڑیوں میں کیش انعامات اور ٹرافیاں تقسیم کئے۔