پاکستان ایشیاء کی بہترین ٹیموں کیخلاف کھیلے، سیگفرائیڈ ایکمین

ملتان(سپورٹس ڈیسک)پاکستان ہاکی ٹیم کے ہیڈکوچ سیگفرائیڈ ایکمین نے کہا کہ ایشین چیمپئنز ٹرافی میں ملائشیا کے شرکت نہ کرنے سے مایوسی ہوئی، چاہتا ہوں پاکستان ایشیاء کی بہترین ٹیموں کے خلاف کھیلے۔ان کا کہنا تھا کہ میرا پہلا اسائنمنٹ ہے کہ پاکستان ٹیم کی خامیوں کا جائزہ لوں گا، ایونٹ میں جانچ کروں گا ہمیں کن شعبوں میں بہتری لانی ہے۔انہوں نے کہا کہ پاکستان میں تمام ایشیائی ٹیموں کے خلاف مقابلے کی صلاحیت ہے، ملائشیا پاکستان کے لئے اچھا ہدف تھا، ملائشیا کی شرکت سے مقابلے کی فضا مزید بہتر ہوتی۔ان کا یہ بھی کہنا ہے کہ ملائشین ٹیم کے کھلاڑیوں کیلئے نیک خواہشات کا اظہار کرتا ہوں۔