چیمپئنز ٹرافی میں کھلاڑی اچھی پرفارمنس کیلئے پر عزم : خواجہ جنید

لاہور(سپورٹس رپورٹر)پاکستان ہاکی ٹیم کے کوچ خواجہ جنید نے کہا ہے کہ ایشین چیمپئنز ٹرافی میں کھلاڑی اچھی پرفارمنس کیلئے پرعزم ہیں۔ ایونٹ میں خطے کی بہترین ٹیمیں شامل ہیں، ڈیڑھ سال سے کرونا کے باعث ایونٹ کی تاریخیں تبدیل ہو رہی تھیں۔ ہم سب ہاکی فیملی ہیں، ملائیشین ٹیم کیلئے دعاگو ہوں۔پاکستان ہاکی ٹیم کے ہیڈکوچ سیگفرائیڈ ایکمین نے کہا ہے کہ ایشین چیمپئنز ٹرافی میں ملائشیا کے شرکت نہ کرنے سے مایوسی ہوئی، چاہتا ہوں پاکستان ایشیاء کی بہترین ٹیموں کیخلاف کھیلے۔ میری پہلی اسائنمنٹ ہے پاکستان ٹیم کی خامیوں کا جائزہ لوں گا، ایونٹ میں جانچ کروں گا ہمیں کن شعبوں میں بہتری لانی ہے۔ پاکستان میں تمام ایشیائی ٹیموں کیخلاف مقابلے کی صلاحیت ہے، ملائشیا پاکستان کیلئے اچھا ہدف تھا، ملائشیا کی شرکت سے مقابلے کی فضا مزید بہتر ہوتی۔ ملائشین ٹیم کے کھلاڑیوں کیلئے نیک خواہشات کا اظہار کرتا ہوں۔