لاہور(سپورٹس رپورٹر)ویسٹ انڈیز ٹی ٹونٹی ٹیم کے کپتان نیکولس پورن نے کہا ہے کہ پاکستان کیخلاف ٹی ٹونٹی سیریز میں اچھی کارکردگی پیش کریں گے۔ورچوئل پریس کانفرنس کرتے ہوئے نیکولس پورن نے کہا کہ نئے پلیئرز کیساتھ میدان میں اترنے کیلئے تیار ہیں، ہمارے پاس سکواڈ میں بہترین کھلاڑی موجود ہیں، پاکستان گزشتہ کچھ وقت سے اچھا کھیل پیش کر رہا ہے، سی پی ایل، ٹی ٹین ٹورنامنٹ میں ہمارے کھلاڑیوں نے شاندار کھیل پیش کیا، ٹی ٹونٹی کرکٹ میں کچھ بھی نہیں کہا جا سکتا، اپنے کھلاڑیوں کی صلاحیتوں پر پورا یقین ہے، پاکستان کے پاس بابر اعظم اور شاہین شاہ جیسے بہترین کھلاڑی موجود ہیں۔ ٹی ٹونٹی کرکٹ میں کوئی بھی کھلاڑی کھیل بدل سکتا ہے، کرونا کے باعث تین کھلاڑیوں کے سیریز سے باہر ہونے پر افسوس ہوا، پاکستان کے کپتان بابر اعظم سے بات چیت ہوتی رہتی ہے، بابراعظم اور محمد رضوان اچھا کھیل پیش کررہے ہیں، اس سال دونوں کھلاڑیوں نے شاندار کارکردگی پیش کی ہے، پاکستان اچھی کرکٹ کھیلنے آئے ہیں۔