پی ایس ایل 7 : ٹم ڈیوڈ ، کرس جورڈن ، جیسن رائے ، اوڈین سمتھ ، لوئس گریگوری منتخب

لاہور(سپورٹس رپورٹر)پاکستان سپر لیگ سیزن سیون کی ڈرافٹنگ میں فرینچائزز نے اپنے اپنے من پسند کھلاڑیوں کا انتخاب کرلیا۔ پی ایس ایل سیون کا پلیئرز ڈرافٹ نیشنل ہائی پرفارمنس سنٹر لاہور میں منعقد ہوا جس میں فرنچائززآفیشلز کیساتھ ساتھ ان کی ٹیموں کے کھلاڑیوں نے بھی شرکت کی۔ ڈرافٹ سے قبل کرکٹرز کی ٹریڈنگ، ٹرانسفر اور برقرار رکھنے کی ونڈوز بند ہوگئیں۔اسلام آباد یونائیٹڈ، کراچی کنگز، لاہور قلندرز اور پشاور زلمی نے ریٹینشن کا پورا کوٹہ استعمال کیا، ملتان سلطانز اور کوئٹہ گلیڈی ایٹرز نے 7، 7 کھلاڑی برقرار رکھے۔پلیئرز ڈرافٹ کیلئے 32 ممالک سے 425 کھلاڑی رجسٹرڈ ہیں جبکہ ڈرافٹنگ میں پلاٹینیم میں کیٹیگری میں پہلی پک لاہور قلندرز کی تھی۔پلاٹینم کیٹیگری کے پہلے راؤنڈ کی پہلی پک میں لاہور قلندرز نے فخر زمان کا انتخاب کیا، ملتان سلطانز نے ٹم ڈیوڈ ، کراچی کنگز نے کرس جارڈن ‘ کوئٹہ گلیڈی ایٹرز نے جیسن رائے ‘ اسلام آباد یونائیٹڈ نے کولن منرو اور پشاور زلمی نے حضرت اللہ زازئی کا انتخاب کیا۔ ڈائمنڈ کیٹیگری کے پہلے راؤنڈ میں اسلام یونائیٹڈ نے جنوبی افریق کے مرچنٹ ڈی لانگے اور کراچی کنگز نے لوئس گریگوری‘متان سلطانز نے جمیکاکے اوڈین سمتھ جبکہ کوئٹہ گلیڈی ایٹرز نے جیمز فولکنر پر اکتفا کیا ہے۔ گولڈ کیٹیگری کے پہلے راؤنڈ میں لاہور قلندرز نے عبداللہ شفیق ‘ انگلینڈ کے فل سالٹ کااور ہیری بروک کو چنا۔گولڈ کیٹیگری میں پشاور زلمی نے لیگ سپنر عثمان قادر کا انتخاب کیا۔سلور کیٹیگری کے پہلے راؤنڈ میں پشاور زلمی نے سلمان ارشاد، کراچی کنگز نے عمید آصف اور لاہور قلندرز نے کامران غلام کو چنا۔ اسلام آباد یونائیٹڈ نے محمد اخلاق‘ ملتان سلطانز نے رومان رئیس اور پھر آصف ‘انور علی‘ اسلام آباد یونائیٹڈ نے ریسی ٹوپلے کا انتخاب کیا۔ کراچی کنگنز نے ٹام ابیل اور لاہور قلندرز نے ڈین فوکس کرافٹ کا انتخاب کیا۔ کوئٹہ گلیڈی ایٹرز نے عمر اکمل ‘ اسلام آباد یونائیٹڈ نے دانش عزیز‘ کوئٹہ گلیڈی ایٹرز نے سہیل تنویر جبکہ کراچی کنگز نے روہیل نذیر ‘اسلام آباد یونائیٹڈ نے ظفر گوہر ‘پشاور زلمی نے ارشد اقبال جبکہ ملتان سلطانز نے رومین پاول کا انتخاب کیا۔ پشاور زلمی نے ثمین گل ‘کوئٹہ گلیڈی ایٹرزنے انگلینڈ کے بین ڈکٹ ‘ملتان سلطانز نے عمران خان سینئر، کراچی کنگنز نے محمد عمران جونیئر کو چنا۔ کوئٹہ گلیڈی ایٹرز نے سلور کیٹیگری کے پانچویں راؤنڈ میں خرم شہزاد اور افغانستان کے نوین الحق کا انتخاب کیا۔پشاور زلمی نے کامران اکمل کا انتخاب کیا۔ لاہور قلندرز نے ایمرجنگ کیٹیگری میں زمان خان‘کراچی کنگز نے فیصل اکرم اور قاسم اکرم کا انتخاب کیا۔ ملتان سلطانز نے عباس آفریدی، پشاور زلمی نے سراج الدین، اسلام آباد یونائیٹڈ نے مبشر خان اور کوئٹہ گلیڈی ایٹرز نے عبدالواحد بنگلزئی کو چنا۔ ملتان سلطانز نے امیر عظمت، اسلام آباد یونائیٹڈ نے ذیشان ضمیر، پشاور زلمی نے محمد عامر خان، کوئٹہ گلیڈی ایٹرز نے عشر قریشی اور لاہور قلندرز نے معاذ خان کو چنا۔ سپلیمنٹری کیٹیگری میں کوئٹہ گلیڈی ایٹرز نے افغانستان کے نور احمد‘کراچی کنگز نے طلحہ احسن‘ملتان سلطانز نے زمبابے کے بلیسنگ مزرابانی‘پشاور زلمی نے آسٹریلیا کے بین کٹنگ ‘ اسلام آباد یونائٹڈ نے افغانستان کے رحمان اللہ گرباز اور لاہور قلندرز نے انگلینڈ کے سمت پٹیل کا انتخاب کیا۔ پشاور زلمی نے محمد حارث، اسلام آباد یونائیٹڈ نے اطہر محمود ‘کراچی کنگز نے ویسٹ انڈیز کے روماریو شیفرڈ جبکہ کوئٹہ گلیڈی ایٹرز نے احسن علی اور ملتان سلطانز نے احسن علی‘لاہور قلندرز نے سید فریدون کا چنا۔