پھولنگر، قصور (نامہ نگار، نمائندہ نوائے وقت) سراں اڈا کے قریب موٹر سائیکل ٹرالر کو کراس کرتے ہوئے بے قابو ہوکر ٹرالر کے نیچے آگئی جس کے نتیجے میں 3 افراد موقع پر جاں بحق جبکہ 2 معجزانہ طور پر محفوظ رہے۔ جاں بحق ہونے والوں میں 35 سالہ  ماں عابدہ بی بی، 18 سالہ بیٹا عمران اور 4 سالہ بیٹی آمنہ شامل ہیں۔ موٹر سائیکل پر سوار 5 افراد لاہور سے اوکاڑہ جارہے تھے۔ سراں اڈہ کے قریب حادثے کا شکار ہوگئے۔ جاں بحق ہونے والوں کا تعلق دیپالپور سے بتایا جا رہا ہے۔ حادثہ کی اطلاع ملتے ہی ریسیکو 1122 کی ٹیمیں موقع پر پہنچ گئیں۔ جاں بحق ہونے والوں کی نعشوں کو ٹراما سنٹر پھولنگر منتقل کر دیا گیا۔
حادثہ، 3 ہلاک