جیو چھوآن(شِنہوا)چین نے پیر کے روز ایک لانگ مارچ 4 سی راکٹ کے ذریعے 2 سیٹلائٹ خلا میں بھیج دیے ہیں۔راکٹ نے شام 4 بجکر 22 منٹ (بیجنگ کا وقت)پر چین کے شمال مغربی جیوچھوآن سیٹلائٹ لانچ سنٹر سے اڑان بھری اور شی یان۔20 اے اور شی یان۔ 20 بی سیٹلائٹس کو پہلے سے طے شدہ مدار میں پہنچا دیا۔چینی زبان میں شی یان کا معنی "تجربہ" ہے۔ دونوں شی یان۔ 20 سیٹلائٹس کو مدار میں خلائی ماحول کی نگرانی جیسی نئی ٹیکنالوجیز کی تصدیق کیلئے استعمال کیا جائیگا۔لانچ سینٹر کے مطابق یہ لانگ مارچ سیریز کے راکٹوں کا 454 واں فلائٹ مشن تھا۔