لاہور(نامہ نگار) صوبہ پنجاب بھرمیں گذ شتہ 24گھنٹوں کے دوران 1248ٹریفک حادثات میں 22افراد جاں بحق جبکہ1299زخمی ہوئے ہیں۔ ان ٹریفک حادثات میں 563 ڈرائیوز، 54کم عمرڈرائیو، 567 مسافر اور 191 پیدل چلنے والے افراد متاثر ہوئے۔ جن میں صوبائی دارالحکومت لاہور308متاثرین کے ساتھ پہلے، فیصل آباد 107 حادثات میں 105متاثرین کے ساتھ دوسرے ملتان 83حادثات میں 86متاثرین کے ساتھ تیسرے نمبرپررہا۔ان ٹریفک حادثات کے کل1321متاثرین میں 872مرد اور 449 خواتین شامل ہیں جبکہ زخمی ہونے والوں میں 282 افراد کی اوسط عمر18سال سے کم اور625افراد کی اوسط عمر 18سے 40سال کے درمیان ہے۔ان ٹریفک حادثات کے بیشتر واقعات میں 1054موٹرسائیکلز،89آٹو رکشے141 کاریں، 29وین 12مسافر بسیں،26ٹرک اور123دوسری اقسام کی گاڑیاں شامل ہیں۔