اسلام آباد (این این آئی)جرمنی سے ورلڈ ٹور پر نکل کر پاکستان پہنچنے والی سیاح پاکستان کی خوبصورتی اور مہمان نوازی کو سراہے بغیر نہ رہ سکیں۔تفصیلات کے مطابق جرمن جوڑا اپنے گھر نما کاروان ٹرک پر 15 ممالک سے ہوتا ہوا پاکستان پہنچا تو یہاں کے کھانوں کا دیوانہ ہو گیا۔جرمن سیاح نے کہا کہ پاکستان آئی تو خوفزدہ تھی تاہم یہاں آ کر جو مہمان نوازی اور پیار ملا اس سے معلوم ہوا کہ یہ بہت پر امن ملک ہے۔انہوں نے کہا کہ میں اب چاہتی ہوں پاکستان کا خوبصورت چہرہ دنیا کو دیکھاؤں۔