سنجوال کینٹ (نامہ نگار )قائد مسلم لیگ (ن) محمد نواز شریف  نے دورہ لند ن کے دوران جو عزت اورمقام دیا وہ زندگی کا اثاثہ ہے جیسے میں کبھی بھی فراموش نہیں کرسکتا ان خیالات کا اظہار سینئر صدر مسلم لیگ (ن) پنجاب شیخ آفتاب احمد نے دورہ لندن سے واپسی پر اپنی رہائش گاہ پر میڈیا سے بات چیت کرتے ہوا کیا انہیں اس موقع پر  ضلعی رہنما مسلم لیگ (ن) حاجی محمد یعقوب خان آف دورداد نے دورہ لندن کے موقع پر محمد نواز شریف سے ملاقات کا پورٹریٹ پیش کیا جس پر شیخ آفتاب احمد نے ان کا شکریہ ادا کیا اس موقع پر رہنما مسلم لیگ (ن) لندن ماجد خان وردگ، اسلام آباد کے معروف صحافی محمد اویس یوسف زئی، چیئر مین اٹک کلب رجسٹر ڈ ندیم رضا خان، رہنما مسلم لیگ (ن) محبوب خان عبداللہ خان، محمد شہزاد، سابق کونسلران بلدیہ اٹک شیخ عبدالوحید، طارق ولیم اور دیگر موجود تھے شیخ آفتاب احمد نے کہا کہ ملاقات کے موقع پر انہوں نے اپنے ہمراہ جانے والے وفد جس میں رہنما مسلم لیگ (ن) لندن ماجد خان وردگ  اور دیگر آٹھ افراد موجود تھے کیلئے بھی ملاقات میں خصوصی نشستیں رکھوائیں جو ایک تاریخی واقعہ ہے ۔