چیف کمشنر ریجنل ٹیکس آفس کے جونیئر کلرکس کی 9سے 11ویں سکیل میں ترقی

 ملتان ( وقائع نگار خصوصی) چیف کمشنر ریجنل ٹیکس آفس (آر ٹی او) ملتان عابد محمود نے متعدد جونیئر کلرکس کو 9ویں سکیل سے 11ویں سکیل میں ترقی دے کر محکمہ کے مختلف شعبہ جات میں تعیناتی کے احکامات جاری کردیئے ہیں، جاری کردہ نوٹیفکیشن کے مطابق ترقی پانے والے سینئر کلرکس میں عبدالوحید، محمد شفیق، طاہر اقبال، اختر حسین، محمد حسن، محمد علی، محمد ارشاد علی، عاشق علی، محمد اسلم، محمد احسان اور تنویر احمد شامل ہیں اس موقع پر یونین صدر نوید اعوان، ارشد خان ترین نے ملازمین کو پرموٹ کرکے خود کو ملازمین دوست قرار دیا ہے اس موقع پر یونین عہدیداران نے چیف کمشنر عابد محمود کو پھول پیش کیے۔