نارنگ منڈی(نمائندہ نوائے وقت)اسپیکر قومی اسمبلی راجہ پرویز اشرف کی امیدوارممبر قومی اسمبلی پاکستان پیپلزپارٹی حلقہ این اے113 چوہدری صابر حسین بھلہ کے گھرآمد,بھائی جہانگیرکے انتقال پر اظہار تعزیت کیا اس موقع پر,سٹی صدر شیخوپورہ ندیم عباس,سابق ناظم,سیدعباس شاہ,حاجی عزیز الرحمان چن بھی موجودتھے راجہ پرویز اشرف نے میڈیاسے گفتگوکرتے ہوئے کہاکہ پاکستان پیپلزپارٹی جمہوریت پر یقین رکھتی ہے ہم نے جمہوریت کی بقاء کیلئے قربانیاں دیں شہید ذوالفقار بھٹو اور شہید بے نظیر بھٹو نے عوام ملک کی خاطر اپنی جانوں کا نذرانہ پیش کیا تاکہ جمہوریت زندہ رہے یہی وجہ ہے قوم آج بھی ان سے بے پناہ پیار کرتی ہے ان کے سپوت بلاول بھٹوزرداری ملک و قوم کی خاطر دورے کررہے ہیں ان کے خاطرخواہ نتائج نظر آئیں گے ملکی سیاسی صورتحال سے ثابت ہوگیاہے کہ آصف علی زرداری سب سے بڑے سیاستدان ہیں ان کاکوئی بھی مقابلہ نہیں کرسکتا الیکشن جب بھی ہوں پیپلزپارٹی کی تیاری مکمل ہے ان شاء اللہ عام انتخابات میں جیت عوام کی ہوگی جمہوریت ہی ترقی کا راستہ ہے۔