شیخوپورہ(نامہ نگارخصوصی+نمائندہ نوائے وقت) پاکستان تحریک انصاف کے ضلعی نائب صدر وکوآرڈی نیٹر لائیوسٹاک ڈاکٹر اسلم خان شیروانی نے کہا ہے کہ الیکشن کرائو ملک بچائو ریلی میں شیخوپورہ کے عوام بھرپور شرکت کریںگے کیونکہ عمران خان کی سیاسی جدوجہد کا مرکز ومحور عوام کی ترقی اورملکی خوشحالی وخودمختاری ہے عمران جراتمند اور پاکستانیت کی بات کرنیوالا لیڈر ہے کپتان کو پاکستان کی ترقی،خوشحالی ،خودمختاری ،سلامتی سے بے انتہا لگن اور جنون ہے زخمی ہونے کے باوجود بھی ملکی اور عوامی مسائل کے حل کیلئے تڑپ میںنہیںآئی اور الحمد اللہ بہت جلد صحت یاب ہوکر وہ عوا م کے درمیان ہونگے عمران خان نے جس جرات اور اعتماد کیساتھ ساڑھے تین سال کام کیا ماضی میں اس کی کوئی مثال نہیںملتی عمران خان کے بعد میاں شہباز شریف کا بطور وزیراعظم قد کاٹھا بالکل نہیں نظر نہیں آرہا عالمی دنیا میں جس طرح عمران خان اسلامک فوبیا،مقبوضہ کشمیر سمیت تمام ایشوز کو ہائی لائٹ کیا اس سے وہ عالمی لیڈر بن کر ابھرے اور دنیا ان کی معترف ہوگئی ہے انہوںنے کہاکہ عمران خان نے جو قوم سے کہاکہ وہی باتیں آج پی ڈی ایم کررہی ہے عمران خان نے قوم کو بتایا کہ ہم کسی بھی ملک کے غلام نہیںبلکہ برابری کی سطح کے دوستانہ تعلقات قائم کرنا چاہتے ہیں اور آج پی ڈی ایم بھی یہی کہہ رہی ہے انہوںنے کہاکہ قوم کو بیوقوف بنانے کا جو عمل شروع کیا گیا ہے عوام ان کے کسی بھی جھانسے میںنہیںآئیںگے ۔