کراچی (ا سپورٹس رپورٹر)قومی کرکٹ ٹیم کے سابق آل رائونڈر عبدالرزاق نے کہا ہے کہ ٹیسٹ میں کم از کم 5 بیٹرز کھیلتے ہیں،بدقسمتی سے ہم نے ان کھلاڑیوں کو کھلایا جو حقدار نہیں تھے۔انہوں نے کہا کہ ابرار احمد کی وجہ سے یہ ٹیسٹ یہاں تک پہنچا۔جس ٹیسٹ میں انگلینڈ 2فاسٹ بولر کھلاتا ہے ہم 3 کھلا دیتے ہیں، ہمیں ٹیم دیکھ کر سلیکٹ کرنی چاہیے۔عبدالرزاق نے کہا کہ بدقسمتی سے ہم نے ان کھلاڑیوں کو کھلایا جو حقدار نہیں تھے۔واضح رہے کہ انگلینڈ نے پاکستان کو دوسرے ٹیسٹ میچ میں 26 رنز سے شکست دے کر سیریز اپنے نام کر لی ہے۔انگلش ٹیم کو 3 میچز کی سیریز میں 2 صفر کی فیصلہ کن برتری حاصل ہو گئی ہے۔دوسرے ٹیسٹ میچ میں پاکستان کی جانب سے سعود شکیل نے شاندار بیٹنگ کا مظاہرہ کرتے ہوئے 94 رنز کی اننگز کھیلی تھی۔