ملتان (سپورٹس ڈیسک)انگلش ٹیم کے فاسٹ بولر مارک ووڈ نے پاکستان کی مہمان نوازی اور یہاں کے لوگوں کی تعریف کی ہے۔ انہوں نے کہا کہ پاکستان کی مہمان نوازی سے بہت خوش ہوا، یہاں کے کرائوڈ نے بھی میچ کے دوران سپورٹ کیا۔مارک ووڈ نے کہا کہ یہاں کے لوگ ہر وقت آپ کی مدد کیلئے تیار رہتے ہیں ، انگلینڈ سے آئے فینز بھی یہاں خوب انجوائے کررہے ہیں۔انہوں نے کہا کہ پاکستان اچھا ملک ہے، مجھے یہاں کوئی تکلیف یا مشکل نہیں ہوئی، دوسری ٹیموں کو بھی یہاں آنا چاہیے۔ انہوں نے کہا کہ ملتان کی وکٹ سلو ضرور تھی تاہم ریوس سوئنگ ہورہی تھی، مجھ سمیت انگلینڈ کی ٹیم پاکستان میں میچز اور یہاں کے ماحول سے لطف اندوز ہورہے ہیں۔خیال رہے کہ پاکستان کو انگلینڈ نے ملتان ٹیسٹ میں بھی شکست دے کر سیریز اپنے نام کرلی۔