فٹبال ورلڈکپ سیمی فائنل میںکل ارجنٹائن اور کروشیا مد مقابل  

ملتان (سپورٹس ڈیسک) فٹبال ورلڈکپ 2022ء کی سیمی فائنل لائن اپ مکمل ہوگئی، پہلے سیمی فائنل میں کل ارجنٹائن اور کروشیا جبکہ دوسرے سیمی فائنل میں 15دسمبر کو فرانس اورمراکش آمنے سامنے ہوں گے۔قطرمیں فٹبال ورلڈکپ کا میلہ اپنے اختتام کی جانب گامزن ہے، 32ٹیموں سے میگا ایونٹ کا آغاز ہوا ، پہلے 16 پھر 8 اور اب 4 ٹیمیں رہ گئیں۔کوارٹرفائنل میں دلچسپ اور کانٹے کے مقابلے ہوئے، 2 میچز کا فیصلہ پینالٹیز پرہوا۔اسپین، برازیل ، پرتگال اور انگلینڈ جیسی بڑی ٹیمیں گھر لوٹ گئیں جبکہ میگا ایونٹ میں مراکش کا تاریخ ساز سفر جاری ہے۔میگا ایونٹ کا پہلا سیمی فائنل کل بروز بدھ 14دسمبر کو کھیلا جائے گا، میسی کی ارجنٹائن کا 2018ء کی فائنلسٹ کروشیا سے مقابلہ ہوگا۔دوسرا سیمی فائنل جمعرات 15 دسمبر کو کھیلا جائے گا، دفاعی چمپئن فرانس اور مراکش کی ٹیمیں میدان میں اتریں گی۔فاتح ٹیموں کے درمیان ورلڈ کپ 2022ء کا فائنل 18دسمبر کو کھیلا جائے گا۔